Producindo Planta

POST CONXUNTO DE XOSÉ E RUA

O viveiro Flor de Lires, o que fomos de visita a semana pasada, úbicase no concello de Fisterra, na parroquia de Duio situado no val do mesmo nome, val que inspira unha das lendas que envolven a Costa da Morte.

Atopar este viveiro non é doado, carece de letreiros indicadores e a oficina está arredada da estrada. No medio do lugar intúes que hai un viveiro porque ó lado da vía que cruza o val uns setos protexen as zonas de descanso das prantas. Este dato, alleo á función do viveiro, é a única pega que lle encontramos. As instalacións, a maquinaria, o material son de boa calidade e o personal e moi atento. O capataz do viveiro, Juan Ramón, recibiunos amablemente e proporcionounos a visita do recinto e contounos o proceso productivo do viveiro. A plantilla actualmente é de 5 persoas, pero en época de bonanza chegaron a contar con 18-20 traballadores, na actualidade estan a sufrir o famoso ERE, debido a crise que sofre o Estado . Na época de maior produción, primavera e verán, aumenta o número de operarios.

A finca do viveiro e de 10 has. Adícanse maioritariamente a producir pranta ornamental e de xardín. A maior parte producena eles mediante esgallado , a planta nai impórtana dun productor francés. Dita pranta ven coa patente Royaliti. O viveiro Flor de Lires dispón da prioridade para comercializala en España e Portugal, é dicir teñen a exclusividade de comercializala .

Unha vez esgallada almacénase en invernadoiros dotados do sistema de nebulización FOG SYSTEM para lograr o maior éxito no esgallado controlándolle a temperatura e a humidade. Cando se encontra a plena produción chega a ocupar tres naves.

Unha vez a pranta bota raíces, faise o transplante cunha máquina para macetas de 7-8 litros. Seguidamente trasládase a unha zona ó aire libre onde remate o seu ciclo. Posteriormente será carrexada para a súa posterior venta. Traballan só con viveiristas, maioristas ou empresas de xardinería. Dispoñen de gran variedade de prantas pero sobre todo comercializan metrosideras e leptospermun (15000 e 60000 unidades respectivamente).