Mostrando entradas con la etiqueta xardíns. Mostrar todas las entradas
Mostrando entradas con la etiqueta xardíns. Mostrar todas las entradas
9/3/09
Butchar
O pasado sabado 21 de febreiro no xornal O País no seu apartado chamado o viaxeiro mostra un xardin que se pode visitar, está situado na cidade de Victoria na illa de Vancouver coñecida como illa dos xardíns en Canada.O xardín e de propiedade privada pertence a familia Butchar debido a que Jenie Butchar transformou unha antiga canteira abandonada que pertencia a sua familia nun xardín.
O xardín ten unha extensión de 22 has está aberto todos os días do ano e atrae todos os anos a máis de un millón de visitantes sobretodo entre os meses de marzo a outono que e cando máis florecido está, debido a esto foi declarado sitio de especial interes en Canada.
Neste enlace farás unha viaxe virtual polo xardín.
Neste enlace farás unha viaxe virtual polo xardín.
The Butchart Garden Ile Victoria Canada
View more presentations from nimiaazucena.
6/3/09
Cubertas vexetais
As cubertas vexetais xorden como un novo concepto que reverdece paredes e azoteas.Países como Alemaña ou Francia xa recorren a esta modalidade que ademais de outorgar un valor estético, engade multitude de vantaxes ambientais. Crear un xardín vertical consiste en tapizar muros e tellados con plantas que medran sen ningún tipo de chan, como fan as epífitas tipo musgos, líquenes, orquídeas, fieitos e bromelias, tamén chamadas plantas aéreas que usan de soporte a outras especies en lugar de enraizar no chan. Estes espazos son lixeiros de peso e poden instalarse no exterior de edificios e en diferentes climas, creando así superficies vexetais que serven de filtros de aire e reguladores térmicos, reducindo ata 8 grados a temperatura exterior e ata 10 decibelios a contaminación acústica.
Os xardíns verticais en tellados coñécense desde hai anos e son solucións á contaminación atmosférica en cidades. Os primeiros exemplos apareceron en Alemaña, e actualmente máis de cen concellos dese país ofrecen incentivos para a construción de cubertas ecolóxicas. Nestes espazos caben hortos urbanos ou simplemente especies apropiadas de vexetación. Se o seu uso non se estendeu máis é debido ao problema que ás veces se xera cando a planta enraíza no muro ou no tellado, socavándoos e mesmo destruíndoos. Resolta a cuestión dunha correcta impermeabilización empezanse a ver exemplos viables como a obra de Patrick Blanc, botánico e arquitecto que, imitando a natureza, deseña muros vexetais con plantas moi lixeiras, alimentadas automaticamente con auga e nutrintes como vía para que a planta non busque o seu alimento profundando coas raíces. Usando unha base metálica, unha capa de PVC e outra de feltro como soporte consegue que 30 plantas por metro cadrado crezan sen exceder os 30 kg de peso.
En Madrid o edificio Caixa Forum en pleno Paseo do Prado ilustra un exemplo de muro vexetal de 24 metros de altura, con 15.000 plantas de 250 variedades diferentes. En tellados, a permacultura ou o ecodiseño tamén van atopando solucións. Os tellados son tamén superficies infrautilizadas, agora máis valoradas como espazos para xerar enerxía solar, pero que ben poden servir para crear unha mellor atmosfera nas nosas cidades, como ocorre en Londres.
No Concello de Chicago non só o fan así senón que estudan o seu efecto: aforros de enerxía grazas á combinación de sombra, evapotranspiración e efectos do illamento, que se traducen nunha menor factura á hora de refrixerar o edificio de 3.600 dólares por ano. Tamén esperan ver melloras na calidade do aire pola redución do ozono e o smog, aínda que xa perciben a diferenza de temperatura entre a contorna do concello e o resto da cidade.
31/1/09
De paseo por Keukenhof
Este vídeo permite unha pequena mostra das plantas que pódense ver nun dos parques máis bonitos do mundo: Keukenhof. Aínda que si se quere ver con máis detalle pódese enlazar coa paxina.
8/12/08
Xardíns Verticais
O paisaxísmo vertical como o seu nome o indica, consiste en levar a natureza ao plano vertical, é dicir, que en lugar de facerse en horizontal, prazas, parques, xardíns e zoas verdes; faise isto mesmo pensando en vertical, con todos os requirimentos técnicos e alternativas que isto conleva. Sempre tendo en conta as necesidades das plantas para o seu bo desenvolvemento e aumentando así a cantidade de elementos verdes na cidade.
O paisaxismo vertical ten a posibilidade de estender os metros cadrados de pulmóns para a cidade, diminuír a radiación, reducir o consumo enerxético de edificios, lograr o control dos trocos bruscos de temperaturas no interior dos espazos, É unha estratexia que brinda a oportunidade de multiplicar a superficie vexetada do planeta, contribuíndo así a diminuír a temperatura e mellorar a calidade ambiental, sobre todo en espazos urbanos mestos e con pouca vexetación. Os espazos verdes, en xeral, teñen un efecto positivo e tranquilizador para as persoas, contribúen á sensación e percepción de benestar dos usuarios.
Por séculos, o termo ecolóxico ou sustentábel non eran conceptos que se plantexaran como unha necesidade inminente, simplemente era a resposta a unha lectura consecuente da linguaxe da natureza e o entorno; termos que coa industrialización, a medra da cidade e o elevado valor do terreo urbanos, se foron terxiversando.
Na actualidade, a realidade e a problemática é outra. Existe unha tendencia crecente e urxente a ter en conta parámetros medioambientais, sustentábeis e bioclimáticos, para proxectar"coa natureza", respectando, reforzando e identificando a súa linguaxe co fin de compor así un paisaxe propio.
A pesar de que o habitante da cidade acepta e se amolda a vivir nunha paisaxe gris, de muros altos e espazos reducidos, busca o equilibrio e o contacto coa natureza. A substitución de espazos verdes por equipamento urbano dá lugar á procura de alternativas que amplíen e reforcen as superficies vexetadas. Unha clara resposta a esta tema a alternativa que brinda o "paisaxismo vertical".
Mostrarei un percorrido polo mundo e a historia do Paisaxismo Vertical:
1. Reidy Edifício de apartamentos: Rió de Janeiro, Brasil 1950
Neste edificio a altura entre os andares, a disposición irregular dos balcóns e a abundante vexetación, logran que a ventilación cruzada funcione e se maximice de xeito favorabel para os vexetais.
2. Banca Catalana: Barcelona, España 1970
Este edificio representa un dos primeiros edificios intelixentes e transformouse nun ícono da arquitectura. Conta cun sofisticado sistema informático para irrigar as plantas.
É sen dúbida un descanso visualizar unha construción tan verde, rodeado de torres convencionais.
3. Skys Crapers: Elaphant e Castel. Eco Tower. Londres, Inglaterra 2000 (Residencial)
Rañaceos ecolóxico. Os espazos verdes ascenden dende o xardín para crear unha continuidade ecolóxica. Utilizase unha mistura de especies que garanten o verdor permanente.
4. Aichi Expo: Muralla verde. Nagoya, Japon 2005
Na Expo Praza desta exposición universal, construíronse paredes elaboradas con paneis vexetais que se sobrepoñen, denominadas Bio Lung (Bio=vida e Lung= pulmóns). Consiste nunha estrutura de aceiro básica, reutilizabel, á cal adhírense paneis modulares verdes con aspersores automáticos incorporados.
5. Fundación Cartier: Paris, Francia 1994 l Arq. J.Nouvel e Arq. P.Blanc
Leva varios anos buscando novas formas de climatizar os edificios con solucións inxeniosas.
Na Fundación Cartier, buscou a eliminación dos limites entre o construído e o natural.
Un edificio en vidro e metal no cal exponse arte contemporáneo, unha estrutura que interactúa coa natureza e as transparencias do cristal. Sobre o acceso medra un muro vexetal que se asoma á fachada.
6. Museu du Quai Branly, Paris, Francia 2006 l Arq. Jean Nouvel l Paisaxista : Patrick Blank
Neste caso aplicouse a tecnoloxía do coñecido botánico Patrick Blanc, especialista en plantas tropicais, nas fachadas que permite desenvolver un paisaxismo vertical, logrando muros verdes e mesturados con vexetación.
7.Hotel Casa Camper: Arq. Fernando Amat, Barcelona, 2004.
Sobre un edificio no Raval de Barcelona, o Arq. Fernando Amat aplicou unha reabilitazón dirixida á funcionalidade e o confort.
O xardín vertical ten 18 m. de altura, e esta composto por 117 Macetas de Aspidistras ordenadas nun anden metálico verde que enmarca e soporta cada planta. Converte o patio nunha instalación que brinda ao interior frescura, relaxación e vitalidade.
O rego do xardín, é un sistema por pingo dirixido a cada maceta,que proven do sistema de alxibes de augas de choivas e reserva, que esta na cuberta.
8 .Horto urbano: Leopoldo group design, Barcelona 2004
O Horto urbano de Leopoldo consiste nunha liña de xardineiras de aluminio e cubetas de rafia plástica que permite cultivar todo tipo de hortalizas, plantas recendentes, medicinais e froitas en pequenos espazos como terrazas, balcóns, porches... Especialmente, esta pensado para espazos urbanos onde a posibilidade do cultivar é case nula.
9.Persiana Vexetal: Planta no Aire
Arq. Maria Alejandra Valenzuela, Barcelona, 2007
É unha alternativa que logra achegar e incorporar o elemento vexetal a espazos que carecen de metros en horizontal.
10.Xardins dos Alcazares de Sevilla
11.Viñedos na Rioxa
Cores, texturas, estruturas orgánicas, luz, pezas do quebra-cabeza cos que se xoga, que inspiran, que reflicten o noso sentido e dan vida a un espazo, no cal disfrutamos………..
FONTES: Diversas páxinas de internet e un fabuloso traballo da Arq. Maria Alejandra Valenciela "Paisajismo vertical--Planta en el aire".
Suscribirse a:
Entradas (Atom)
