Producindo Planta

Antes das vacacións de Nadal colgara un post sobre a información que me deran na Floristería do Agro, en Arzúa, pero quedaranme cousas sen comentar. Síntoo moito pero por unha serie de motivos non puiden ofrecérvola antes pero creo que o debo facer aínda que só sexa pola atención que alí me prestaron, e tamén porque virán novos Nadais e nunca está demais saber con antelación que plantas de temporada se poden atopar nesa época. Algunhas das plantas que vos vou mencionar aínda se poden atopar agora á venta, como o ciclamen (Cyclamen persicum) que é unha planta de exterior moi vistosa e bastante resistente, azaleas (Azalea spp.), pensamentos (Viola tricolor), amarilis (Hippeastrum spp.) e azafráns (Crocus spp.).
Comentárame tamén que e na época de Nadal comercializase moito o Pinsapo (Abies pinsapo) tanto plantado como cortado para facer traballos de nadal. Non se permite a venta de acevo (Ilex aquifolium) nin de musgo . Outra planta que podemos atopar e o Cactus de Nadal (Schlumbergera truncata = Zygocactus truncatus) que florece por esas datas, as súas flores poden se rosas, roxas ou brancas (é moi confundida coa Rhipsalidopsis)
Espero que vos sirva de axuda esta información sobre estas plantas de temporada.