Producindo Planta

Fai uns días tiven o pracer de visitar os viveiros de Viforsa S.L. e falar un pouco (así por alto) co seu dono sobre o que facían alí. Quero resaltar que foi unha visita moi grata e na que me sentin moi agusto. Agora,vouvos contar un pouco no que consiste.
Viforsa S.L. está situada na parroquia de Beán no concello de Ordes (A Coruña).É unha unión de dúas empresas: Viforsa S.L. e Plantamos S.L.
A actividade fundamental de plantamos s.l. é a venta por internet de plantas, produtos fitosanitarios ecolóxicos, produtos ecolóxicos de limpeza, alimentos ecolóxicos,etc. Estívome ensinando as páxinas web e explicando un pouco en que consistían, as páxinas que me amosou son a de plantamos e a de delicia natural. Como anécdota, na páxina de delicia natural comentoume o matiz que puxeran da carreta en lugar da cesta, gracioso verdade?
A web de viforsa só está dirixina ós profesionais do sector. O público non pode entrar, os prezos que teñen nela son prezos especiais para profesionais. Cada planta está sempre acompañada da súa foto ou do detalle da flor, e soe ser unha foto da planta idéntica a planta que se ofrece (refírome en canto a tamaño, envase,...).

Este viveiro tamén está asociado a Vifoga que é unha asociación de planta forestal (neste momento está composta por 18 viveiros), e a Asproga que é unha asociación de planta ornamental de Galicia (neste intre composta por 46 viveiros) Viforsa asociouse fai dez anos a Asproga.

Destaca como ventaxas de estar asociado o intercambio de coñecementos, axuda as relacións comerciais, axuda a montar empresas novas de comercialización, defensa dos intereses da administración e que é unha maneira de valorar e ter maior imaxe no teu oficio.