Producindo Planta

Manuel Touceda adicábase a venta de ambulante de froitos secos cando decidiu dar o salto a produción ; no seu invernadoiro cultiva dende xudías ata pementos pasando por leitugas e como non unha das froitas mais apetecibles A FRESA .

Todo comezou fai sete anos cando Manuel viaxou a Moguer , un pequeno pobo pertencente a provincia de Huelva alí coñeceu unha familia con raíces galegas que lle ensinou todo os segredos sobre esta froita.

O cultivo desta froita realízao mediante a técnica do caballón, as plantas colócanse en surcos elevados que van provistos dun sistema de riego por goteo.

Hoxe en día conta cunhas 31000 plantas , para que a fresa chegue fresca o seu destino final hai que realizar polo menos dúas recollidas por semana , gracias a rotación do cultivo na terra ben abonada ten fresas case todo o ano, dende primavera ata Novembro.

Segundo Touceda a súa primeira colleita foi “regular” e este ano esperase unha baixada dos prezos para o productor debido, a introdución de productos holandeses no noso país .Pero Manuel aposta fortemente polo negocio ,e así o demostrou fai dous anos cando investiu mais de 40.000 euros para a colocación de novos túneles , aínda lle quedan cinco túneles por colocar ,pero xa dispón de 5000m correspondentes os doce túneles que xa estean montados.