13/11/09

Viveiros Horticina


A historia de Horticina remóntase ó a 2002, cando dous socios, o galego Miguel Mato e outro empresario suízo, aterraron en A Barqueira (municipio de Cerdido) buscando unha extensión suficiente para pór en marcha o seu viveiro. Fixérono nunha finca que antes estaba destina a unha explotación gandeira e que ofrecía as condicións necesarias. Adecuaron as instalacións, cultivaron camelias e esperaron tres anos a que estivesen listas para a venda. O temporal "Klaus" arruinou entón a súa entrada no mercado, o que obrigou a Horticina a dar un paso atrás para voltar a cultivar e esperar a medra das plantas.
De novo, a empresa está a preparar a súa fase de comercialización. Nese marco o viveiro recibiu a semana pasada a visita de dous importantes importadores británicos. Segundo explica Miguel Mato, Horticina xa realizara o seu labor de promoción comercial antes do "Klaus", en Holanda e Suíza, así como en varias feiras internacionais do sector. Non obstante, os empresarios intensifican de novo agora os seus contactos de cara a realizar o segundo intento de comercializar os seus produtos no ano 2011, cando estarán suficientemente medradas as plantas.
A recente visita dos importadores ingleses realízase no marco dun programa organizado pola Cámara de Comercio de Ferrol. A camelia, neste país e en outros de Europa, emprégase como unha planta de temporada, é dicir, a maceta tense dentro de casa durante uns meses e despois desbotase.
Os clientes esixen que cada planta teña unha altura determinada e un mínimo de seis flores, condicións que fan que para vender 20.000 plantas ao Reino Unido haxa que producir 50.000, explica Mato.
Horticina está a producir actualmente 260.000 plantas ao ano, se ben a intención da empresa é chegar a cultivar medio millón anuais. O viveiro de Cerdido optou pola especialización, porque o cultivo de especies diferentes é moi complicado. A camelia é, ademais, o produto estrela do sector en Galicia, de onde saen máis de dous millóns de unidades cada ano.
Fonte: www.diariodeferrol.es

1 comentarios:

Marina dijo...

Está ben, pero sería interesante ver imaxes dese lugar e ver como se organizan e como producen. A información en internet é moi importante, pero deberiades tamén buscar información pola vosa conta que aporte un punto de vista persoal.

Produtores 2012-2013

Produtores 2012-2013
De dereita a esquerda: Kevin, Cristina, Esperanza, Xurxo, Sergi, Gustavo, Jorge, Alex, Tamara, Jacobo, José Manuel.Na parte inferior: Héctor, Óscar, Martín e Ventura. Fáltanos o produtor Brea.

Productores 2010/2011

Productores 2010/2011
De dereita a esquerda e de arriba a abaixo: Chema, Fernando, Andrés, Jesús Manuel, Inés, Javier, David, Carlos, Iria, Toñito, Hugo, Lorena e Ruso. Tamén están no grupo pero faltan na foto:Miguel Angel, Cristina e Zalo

Os Novos Productores

Os Novos Productores
Nesta rubica fotográfica temos os novos productores, tras unha saida o campo, son de esquerda a dereita Mario, Ramón, Silvia, Francisco, Pilar, Jose Manuel, Angel Castro, Alberto, Oscar, J.Martín, Juan, Angel García, Fernando e David.

Os productores

Os productores
Na foto os sonrintes productores, non se sabe si por puro placer ou por inconsciencia ante o que lles espera. Son de dereita a esquerda na liña de atrás: Rocío Torreira, Xosé Manuel Calvo, Julio Cesar Martino, Manuel Rúa, Amable Rodríguez, Marta Fraiz, e na liña dianteira: Francisco Romar, Rocío Gardes, Natalia Piñeiro e Sandra Sánchez. Faltan Rocío Sampedro e o productor ocasional Juan Santiso.

remexe polo blog

 
Producindo Planta - Template By Blogger Clicks